好快就到情人節啦，今期情人節都係唔好出街安全啲，如果想喺屋企度過，或者可以考慮下叫Deliveroo外賣！因為佢地就推出咗超搞怪又特別嘅香薰蠟燭組合！

1.「最愛快餐」香薰蠟燭

喺2月14號下午3點到5點，透過Deliveroo訂購「時新漢堡包」嘅情人節套餐（港幣$118），即可獲贈漢堡包與香脆炸雞味蠟燭一套。

.

2.「西營盤Brunch」香薰蠟燭

同樣地2月14日喺「西營盤Food Market」訂購任何美食滿港幣500元，就會有邪惡煙肉同花生醬味蠟燭一套

.

3. 「茶記滋味」香薰蠟燭

而情人節當日全日任何時間訂購「兄弟幫冰室·大排檔」情人節套餐，即可獲得撈公仔麵香味嘅蠟燭一份。

.

雖然味道聽落有啲怪怪地，但係都又幾特別！情人節大餐點住炸雞味嘅蠟燭，啱曬食貨情侶！！