「Netflix X One Piece出真人版 作者尾田榮一親自證實！」

唔少人都係《海賊王》嘅Fans，呢套漫畫認真長壽，出到900幾集都仲未結局，之前都傳咗好耐會拍攝真人版電視劇，今次終於由作者尾田榮一親自證實！真人版電視劇會同Netflix合作，第一季將會有10集，粉絲們遲啲可以喺Netflix度見到啦！

尾田榮一1月30號喺Twitter上面公佈咗呢個好消息，Netflix亦證實由其負責真人版電視劇的嘅製作同發佈！尾田榮一郎年紀不小，無法親自執導同參與拍攝，不過對於作品都出心出力，擔任真人版海賊王嘅監製，所以粉絲們都唔洗太擔心全新電視劇同卡通原著會有很大出入！

Netflix對於真人版海賊王嘅製作一啲都唔馬虎，製作公司會由Tomorrow Studio負責，並由Steven Maeda同Matt Owens擔任編劇，Steven曾經亦係《迷》同《X檔案》嘅編劇，就咁樣睇，呢個班底十分出色！

至於粉絲們一定會好擔心主角嘅選角問題，究竟拍真人版會用日本人定外國人呢？Netflix就喺呢度同大家賣個關子，只係話好快會公佈，大家要等一下啦！

至於原著嘅結局時間亦都是大家好關注嘅一件事！最近有日本YouTube組合Fischer’s訪問咗尾田，尾田大方地回答，距離結局仲有5年。

海賊王自1997年開始就連載咗22年啦，可以話係陪伴咗唔少人渡過青春，簡直係史詩式嘅長篇故事！