【公園樂遊遊】

想要親近大自然，但又怕爬山涉水搞到身水身汗？咁就去「公園仔」玩啦！
1. 山頂公園
位於太平山嘅山頂公園同凌霄閣，山頂廣場比較下更加寧靜舒適，公園入面有維多利亞式建築物，例如白色牆配藍色窗嘅守衛室、別緻典雅嘅英式涼亭仲有一個大草地，絕對係一個野餐郊遊嘅好地方！
交通方法：中環交易廣場巴士總站乘15號巴士（約35分鐘）或港鐵香港站公共運輸交匯處搭1號綠色小巴（約25分鐘）再沿山頂廣場隔離嘅柯士甸山道向上走（約20分鐘）

2. 佐敦谷公園
佐敦谷公園有一個駐名嘅大草地，公園佔地約6.3公頃，非常適合同朋友黎野餐傾計！公園入面仲設有遙控模型賽車場、園藝教育中心、四季花園、杜鵑園、迷宮花園、溫室等，可以喺玩樂嘅同時認識到大自然！
交通方法：港鐵彩虹站轉乘54S綫小巴或29M綫巴士

3. 中山紀念公園
中山紀念公園顧名思義喺紀念孫中山先生嘅紀念公園，呢到有一大片圓形嘅草地，中央放置左孫中山銅像，正面雖然喺望樓景，但背面係一覽無遺嘅維港風景。黃昏時段可以睇到美麗嘅海港落霞景色，觀賞日落嘅景緻仲好浪漫添！
交通方法：西營盤港鐵站A2出口，沿東邊街直行至干諾道西，右轉上天橋過對面馬路，步行時間約5分鐘。