【吸管可以榨汁？】

飲完珍珠奶茶?Starbucks☕️之後記得唔好掉咗枝飲管?，因為你可能會失去一樣好實用嘅工具?！等小編我話你知吸管可以點樣再利用啦！

簡單實用嘅封口夾?

想封番住開封咗嘅薯片？準備兩枝粗吸管，將其中一枝剪開，用未剪開嘅吸管捲起袋口，再用剪開咗嘅吸管夾住捲起嘅部分然後套上去，吸管就變成一個封口夾，可以防止野食受潮變壞啦！

防塵套

筆蓋成日整唔見？揀番直徑可以套入筆頭嘅吸管，再剪番長度大概為筆頭兩倍嘅吸管取代筆蓋，咁就可以方便收納又唔驚墨水乾啦！

檸檬榨汁

平時想榨檸檬汁都會先將佢切半再榨汁，但未用完嘅部分好容易因為接觸咗空氣而變硬變乾，呢個時候又可以用到吸管啦！

Step 1: 先將成個檸檬放喺枱面用力來回碌幾次直至摸起嚟變得冧冧地

Step 2:係無蒂頭果邊切開一細塊，再插入硬式吸管，以縮小檸檬同空氣接觸嘅面積

Step 3:拔出，因為檸檬已經壓軟咗，所以稍為傾斜就可取汁，用完後再用保鮮膜包住冷藏就OK!