【唔叮得！】

平日打完機，煲完劇貪方便，大家都經常會用微波爐黎叮野食，相信大家都知道密封容器、發泡膠同金屬器皿等呢啲容器都係唔可以放入微波爐加熱。
但大家又知唔知以下呢啲食物同樣都唔可以用微波爐加熱呢？
1. 雞蛋
連殼嘅雞蛋放入微波爐，蛋入面嘅水份會變成水蒸氣，係蛋殼裡面嘅壓力會提高，導致膨脹繼而產生爆炸。
如果去左殻又係咪「叮」得？NO！因為蛋黃上有一層薄膜，喺同樣道理下，亦會令到雞蛋爆炸！
2. 辣椒
辣椒加熱過度嘅話會容易著火，而且當你打開微波爐門嘅時候，由於熱辣椒會散發化學物質，呢啲化學物質會刺激雙眼並灼傷喉嚨造成危險。
3. 水
傳統煲水嘅方式下，當水溫到達100ºC的時候，水會沸騰繼而轉化成水蒸氣。微波爐嘅發熱原理唔同，水會保持在100ºC，但不會化成水蒸氣，科學稱之為Superheated Water，
當喺微波爐到拎出黎後，再喺水中加入任何野都會發生沸騰現象，令滾水四濺，非常危險！