【瞓多一陣好重要！】

相信好多朋友仔每次瞓覺前都習慣撳陣手機先瞓，但通常一撳就成三四點都未瞓。
但第二日有野做又要早起，搞到每日最多都係瞓得5、6個鐘
但其實唔少專家建議一日最好瞓到7-8個鐘，不過唔夠訓又會帶黎咩影響呢？
1. 工作效率下降
長期熬夜、失眠會令人冇辦法專注集中，甚至會出現頭痛嘅現象而且對記憶力亦有無形嘅損傷。另外，得不到充分嘅休息亦會影響到大腦創造性思維同處理事物嘅能力，繼而令到工作效率大打折扣！

2. 加快衰老
當人睡眠不足嘅時候，就會因為過度疲勞而造成眼睛周圍嘅血液循環不良，引起黑眼圈、眼袋或者眼球佈滿血絲嘅問題。每晚11點到凌晨3點其實喺美容時間，亦都係人體嘅經脈運行到膽、肝嘅時段。呢兩個器官如果冇獲得充分的休息，就會表現喺皮膚上，所以唔夠瞓就會容易出現皮膚粗糙、面色偏黃、生黑斑同青春痘嘅問題。

3.導致各種疾病
睡眠不足, 身體得唔到足夠嘅休息，就會令人心情憂慮焦急，免疫力降低，導致種種疾病嘅發生，例如神經衰弱、感冒、胃腸疾病，而且患癌及心臟病甚至係死亡嘅風險都會增加。

為左避免呢啲不良影響，記得要保持一個早睡早起嘅好習慣，養成一個健康嘅作息時間!