【迪士尼嘅秘密‼ 】

「新」活見聞

香港迪士尼樂園?相信大家去過都唔只一次啦，但係你又有無細心注意到華特迪士尼先生同工程師喺世界各國嘅迪士尼樂園入面靜靜雞留低嘅小驚喜呢?？

 

以下 6個隱藏細節，你又見過幾多個呢？

 

  1.         入口處噴水池⛲

池頂嘅衝浪米奇唔係正面迎向遊客，因為佢由美國加州迪士尼嘅方向衝向香港，背向嘅正係加州方向??‍♂。另外，噴泉有 5 個出水位，由高處向下望，成個噴水池會呈現出洋紫荊嘅形狀，代表住香港??！

 

  1.         係美國小鎮大街

係呢度搭上香港迪士尼樂園鐵路?，你會發現有幾隻三眼仔匿喺叢林入面?！

 

  1.         隱藏米奇? (Hidden Mickey)

成個迪士尼園區都有好多隱藏米奇?，無細心睇係唔留意㗎，包括美國小鎮大街上面嘅大鐘，每日4 點40 分，昂高頭就會見到米奇頭?！另外，灰熊山谷嘅噴泉都會睇到用硫磺石砌成嘅米奇頭❣。

 

  1.         指南針?箭嘴指向 8 個城市

小小世界入面，地面指南針?嘅箭嘴指向 8 個城市，包括曼谷、內羅畢、孟買、巴黎、北京、首爾、紐約同馬尼拉?。

 

  1.         編號意義

反斗奇兵大本營入面，機動遊戲「玩具兵團跳降傘」隔離嘅飛機✈模型印有「PL21696」，其實係電影《反斗奇兵》首次係香港上映嘅日子 – 96 年 2 月 16 日?。

 

  1.         演藝人員

佢哋會不時出現，用掃把喺地面畫唔同嘅動畫人物??‍♀，原來嗰啲液體唔係清水，而係咖啡水☕，既可以係地面暫時留低顏色，畫畫嗰陣仲會發出淡淡嘅咖啡香氣。

 

睇完係咪好想快啲親身去迪士尼驗證下呢?，快啲拉埋朋友同屋企人去啦，你會發現到更多神奇嘅細節位㗎?！

分享至：