【風筒可以止打「廝」嗌？】

屋企個風筒唔單止可以用嚟吹頭髮?，原來佢仲可以幫你解決好多生活小煩惱！

輕鬆去除標籤印?

好多岩岩買番嚟嘅嘢上面都會黐住價錢標籤，如果唔撕走又影響美觀，撕走咗上面嘅膠水漬又黐手，耐咗仲會變黑添！想要解決呢個問題，可以用風筒加熱標籤，隨住溫度升高，標籤上嘅膠水就會溶化，標籤好快就可以撕落嚟，仲唔留印添！

緩解打「廝」嗌

相信好多人都試過打「廝」嗌打到煩，有時喺因為食得太飽，有時喺因為飲咗碳酸飲品。雖然短暫打「廝」嗌喺一個正常現象，但持續得太耐不單止會覺得難受，仲對身體唔好添！呢個時候就可以利用風筒嚟舒緩下啦。將風筒對住胃部用熱風吹十分鐘，咁樣打「廝」嗌嘅情況就會有所緩解，成日打「廝」嗌嘅你記得試下呢個方法啦！

清理牆壁油污?

幫阿媽做家務，見到爐邊同牆上有好多油污，抹又抹唔甩點算？你可以試下將風筒調到最熱，對準牆上有油污嘅地方吹一吹，等油污加熱到一定程度，然後邊吹邊抹，油污好快就會抹得甩！