【Trick or treat】

Halloween就嚟到啦！
講起哈佬喂?大家都會唸到“Trick or treat” 但你又知唔知佢嘅由來？

據說呢個習俗起源於愛爾蘭，古西歐時期嘅愛爾蘭異教徒相信喺萬聖節前夜鬼魂會聚集喺民居附近，並接受設宴款待。 喺”宴會”結束後，村民就會將自己打扮成鬼魂精靈，遊走喺村外去引導鬼魂離開，以避邪破災。 萬聖節期間，村民都會喺屋企嘅前院放置一啲水果同食物，希望喺餵飽啲鬼魂之後，佢哋唔會傷害人類動物或者掠奪其他收成。

後嚟呢個習俗一直延續落嚟，成為咗小朋友取笑吝嗇家庭嘅一個玩笑！