三個switch 遊戲令你出汗！

「新」活見聞

依家疫情持續，好多人因為改咗做網上教學同home office 嘅就日日留喺屋企。喺屋企冇嘢做，長期坐喺到又唔健康，不如一齊睇下有咩game 可以娛樂自己之餘仲可以郁動下身體 ，等自己唔好咁頹廢啦！

 

Nintendo Switch 健身環大冒險

玩家開始時要將手掣放喺健身環同大脾綁帶上面，然後根據冒險嘅情況喺遊戲入面做出跑步、划船等等嘅動作。而依啲動作可以令玩家達到鍛煉身體嘅效果，因為遊戲會引導你做出深蹲、抬腿之類嘅動作。而遊戲入面仲有一個三十日挑戰，提供更大嘅動力俾大家去運動。只要俾啲耐性同毅力，每日打番25分鐘健身環大挑戰，相信唔單止會變健康啲，仲有可能減到肥添！

 

Super Mario Party

Super Mario Party 入面要用到體感控制，需要根據遊戲指示擺出指定動作或姿勢先可以通關。依個game 最正嘅係支援四個人同時玩，無論係一家大細定成班朋友都玩到！仲可以一齊做下運動、出下汗！增強抵抗力呀！

 

Just Dance 2020

Just Dance 相信大家都唔陌生啦。新版收錄更多新歌，玩家需要跟住音樂節奏跳出指定舞步。跳多幾首歌真係會瘋狂流汗㗎！而Just Dance 支援六位玩家一齊跳，想齊齊move your body 完全冇問題！

分享至：