上莊係大伏？

「新」活見聞

成日聽人講上莊好伏，出錢又出力。大學五件事之一嘅上莊到底係咪伏味濃？咁仲應唔應該上莊呢？

 

  1. 付出時間同金錢

的確上莊係要付出大量時間同金錢做莊務，駁唔到。分薄咗你讀書同做其他嘢嘅時間！

 

  1. 莊員

如果認識到一班志同道合嘅莊員，咁上莊必然係一件難忘而且有所得益嘅事。但如果你班莊員係冇責任同freeride 莊務嘅話…咁就係一個災難喇

 

  1. 學嘢

做嘅莊務時間多多少少會學到嘢！無論係處理行政上嘅paperwork 、實際上落手操作嘅事務定係人際關係嘅處理等等，通通都可以喺莊期試曬！真係學到唔少嘢㗎

 

其實上面嘅嘢都係講經，我相信係人都諗到🤪但上莊真係一件好青春嘅事—同莊員通頂做嘢；開心就一齊慶祝；有困難就一齊解決；一齊笑一齊喊，亦有甜有苦。如果係幾鍾意個地方而又咁啱有一個機會嘅話，其實都可以試吓上莊。大學係一個俾人學習，亦都有好多唔同嘅機會俾大家嘗試嘅地方。所以上到大學一定要踏出自己嘅comfort zone 去試多啲唔同嘅嘢！大學係最自由同最多機會去試嘅時光，上莊固然有好有壞。但大學只有短短四年，唔單止係講上莊咁簡單，所有自己想做嘅事，想做就去做啦！希望以後回望大學所經歷嘅事，你係慶幸自己有青春過瘋狂過努力過，而唔係白費咗依四年呀！

分享至：