上莊究竟有D咩辛酸史

大學五件事有: 上莊、搵補習、讀書、住hall、拍拖

今次講講大學五件事之一嘅上莊，話你知上莊究竟有D咩辛酸史，等你哋諗清諗楚同衡量好先再決定自己hand唔handle到上莊。

1.錢

上莊真係好需要錢，雖然學校係會有得claim返，但係有budget限制，有部分數目最後都要自己倒貼！再加上如果枝莊嘅財務秘書無寫好份financial report，分分鐘到你畢業嗰日都claim唔返D錢。如果係一兩千可能都無咩嘢，而事實係講緊萬萬聲，好似搞ocamp咁，你就要同莊員夾萬幾蚊出嚟落訂book camp site，買souvenir。如果最後唔夠人參加，導致蝕錢，都係要自己硬食。一年莊期搞多幾個活動，洗費真係好大。

2.時間

上莊係需要投放大量時間，唔好話上堂，見屋企人、朋友，就連沖涼瞓嘅時間都無。因為你要籌備唔同活動，準備功夫唔少，例如Inaug (就職典禮)，你除咗要彩排，佈置場地，請嘉賓外，仲要準備好多宣傳品，例如巨型展板，單張，紀念品，宣傳片…由設計到製作，都幾費時。所以一定會需要經常留喺學校，同莊員一齊chur。所以，上莊嘅你應該好快會戒咗瞓覺依個習慣。

3.爛grade

依個唔洗多講啦，因為所有嘅心血都放曬喺莊務，走堂已經係家常便飯。溫書做assignment嘅時間都唔會多，就算有時間，通完頂嘅你都溫唔到啦，就算你真係超人，有精神溫書，走咗咁多堂都好難catch up返。出席率低，assignment無交齊，考得差導致最後個GPA差到自己都無眼睇…正常其他大學生希望自己GPA過3爆4，而上莊嘅同學係希望自己過1爆2。

4.受氣

大家有無聽過俗稱con day嘅資訊大會？就係一個比候選內閣好好向現莊甚至畢業嘅老鬼學習嘅機會。屆時，一班有經驗嘅舊莊員就會滔滔不絕咁分享佢哋以前嘅經驗，同埋，毫不留情咁指出你而家枝莊有咩問題。好多時候，佢哋都係為鬧而鬧，提出一D超現實嘅建議同無理嘅指控。唔知大家有無聽過幾年前，城大反檯一事？未聽過嘅可以睇吓下面條片，相信大家就會有多D嘅體會。https://www.youtube.com/watch?v=zGDIRTQ-xWY

5.搵下莊
ocamp對好多freshmen嚟講可謂一場盛事，其實對於上緊莊嘅同學都同樣咁重要，因為佢哋ocamp搞得好唔好，同佢哋有無下莊有好大關係。雖然有好多人都話想上莊，但係當了解到上莊有幾chur，最後肯上莊嘅同學其實唔多，有D學會更可能因為想上莊嘅同學meet唔到一枝莊minimum人數，而導致斷莊。如果不幸斷莊的話，現莊就要再搞多年活動，再chur多一年啦，所以每一個上莊嘅同學都會為有無下莊而擔心，為搵下莊而頭痛。

_____________
【循環貸款$10,000 真正免息90日】
等緊錢救急?! 依家借你$10,000頂住先
90日零利息、零手續費、冇隱藏收費！申請同日到帳！
仲要等咩呀，立即申請Zwap Wallet循環貸款啦！
.
了解更多及拎埋$10,000 👉🏻 https://bit.ly/2xAlPBf 👈🏻
.
📞CS Hotline: 2111 0991
📱Whatsapp: 9456 1311
#ffloan #過3爆4 #大學5件事 #zwaphk #hku #cuhk #hkust #polyu #cityu #hkbu #hkuspace #ouhk #ocamp #vtc #hkedu #lingnam #hkcc #hkdi #hsmc