人氣手繪風韓國心理測驗網絡爆紅！KOL都喺度玩嘅《種出你的專注花語》

最近《種出你的專注花語》這款心理測驗在韓國爆紅，一日內就有超過300萬次遊玩，很多韓星都有玩，香港都已經見到唔少人玩，熱度堪比武漢肺炎~呢款心理測驗係由台灣推出，憑著治愈系以及手繪風俘虜咗一眾少女心，即刻睇下點玩啦！

《種出你的專注花語》係由台灣公司時刻科技開發，參考翻MBTl人格理論，以放鬆嘅音樂做背景，配合小清新嘅手繪風，製作出少女心十足嘅心理測驗，從中分析玩家嘅性格。

測驗語言係按手機設置而定，玩家回答咗問題之後，測驗結果會顯示一種花語，描述有關玩家性格、最佳書伴同適合玩家嘅專注場所。

時刻科技表示，測驗主要係培養大家嘅專注力，講述玩家會收到一粒種子，繼而發生一啲日常小故事，只要從每題4個選項中揀出最適合自己嘅答案即可，除咗玩心理測驗之外，大家都可以下載其公司推出嘅Forest專注森林App，繼續種自己嘅植物。

時刻科技透露，《種出你的專注花語》內含彩蛋，心理測驗結果除咗有16種花語之外，還有1種隱藏版花語，解鎖方法就留畀大家去發掘一下啦~