住Hall好物推介
住Hall固然好玩啦！又可以識到fd，又有更多自由，但喺日常生活中都會遇到一啲平時冇嘅煩惱，為咗解決呢啲煩惱，就等小編我為大家推薦幾樣神器啦！
- 熱水煲
由於Hall飲用水機嘅濾水器通常都唔常清洗，所以都唔太乾淨甚至可能有細菌，而如果每日買水飲又會多左筆開支。所以為咗確保飲用水乾淨，小編建議住Hall嘅同學仔可以買一個便携式熱水煲 ，咁就可以將飲用水加熱去菌，長遠嚟講仲可以慳翻買水嘅錢！
- 耳塞、眼罩
相信身邊有朋友住過Hall嘅同學都聽過遇到作息唔同嘅roommate 喺好麻煩嘅事，如果佢凌晨三四點仲喺到開燈打機，或者煲劇，相信喺同一間房嘅你都好難可以瞓得著。所以小編強烈建議大家住Hall嘅時候準備埋耳塞同眼罩。
- 可重用口罩
住Hall好多時候都要去common 煮嘢食或者去laundry洗衫，但可能出去嘅時間都好短。如果唔想就咁哂一個口罩嘅話，可以去u記買定一個可重用口罩，每次用完再用翻中性洗衣清潔劑清洗，跟住就可以再重用，咁就唔怕成日哂口罩啦！