你係咪「無辣不歡」嘅人？

大家有無諗過其實辣並唔係一種味覺，而係痛覺？營養師解釋，辣係對神經嘅一種刺激，所以辣味係痛覺多過味覺，換言之各位愛辣之人分分鐘係自虐狂！

喺他們啱啱開始嘗試食辣椒時，都覺得唔係好舒服。但慢慢有人發現，喺感到疼痛時，會有一種舒服嘅感覺，開始啲人會覺得越辣越舒服。到底係咩原因令到某啲人愛上呢種疼痛感呢？

由於辣會令到人產生痛感，呢個時候身體就會出現一系列嘅應激反應，分泌類似嗎啡 

(Morphine) 嘅物質 ─ 內啡肽 (endorphin)，試圖通過產生快感嚟鎮痛。因此喺最初嘅疼痛之後，反而會令人產生一種愉悅感。正正就係呢種痛感同快感嘅結合，令好多人嘅飲食都無辣不歡。

隨住身體對呢種疼痛感嘅逐步適應，要產生內啡肽就需要更多嘅辣椒素嚟刺激，呢個就係食辣會上癮，仲會越食越辣嘅原因。