你有冇諗過:露宿者點解要訓街?😢

你平時有冇留意街上有好多露宿者喺四周角落?🤔可能你因為過著營營役役嘅生活,唔為意佢哋嘅蹤跡。今日小編就介紹一套港產電影《濁水漂流》俾大家,希望你哋會了解多啲露宿者嘅生活啦!🥺 💬 

 

弱勢社群嘅生活顛沛流離,冬天食西北風🌀,夏天就熱過熱狗🌞🐶,落雨變落湯雞🌧️⚡️。佢哋就好似獨行俠咁,冇一個屬於佢哋嘅屋企。🏠

 

「深水埗」令人諗起貧富懸殊,左邊係殘舊嘅唐樓😭,右邊係華麗嘅豪宅😍,兩邊嘅距離只有一步之差。好多人鍾意「復古、懷舊」嘅潮流,但係真正有幾多個人會留意當中嘅文化意義?🤔

 

港產電影《濁水漂流》呈現最真實嘅弱勢社群生活,為佢哋向社會發聲。邊個有頭髮想做癩痢?🐸香港樓價高企,低下階層淨係希望輪到公屋,但住喺豪宅隔離嘅佢哋,被政府視為眼中釘🥺,驚死會影響香港嘅國際形象,所以低下階層被迫搬遷。

 

就算搬到天橋底下,都逃離唔到厄運,佢哋眼中嘅無價寶🥺,係其他人眼中嘅垃圾🚮,所以又被執法人員強行清場。再者,露宿者嘅背景複雜,俾人覺得唔值得可憐…但係再壞嘅人,都應該值得被尊重☹️。

 

可能你會好confused點解佢哋要走上呢條絕路,可以嘅話,佢哋都想逃離呢條不歸路😢,可惜命運唔輪到佢哋揀😔。唔好再問佢哋「點解」喇!有興趣就去睇6月3日上映嘅《濁水漂流》,解答你心裡面嘅疑問啦!🥺❤️