你的脫單指數有多高？ 韓國大熱的戀愛細胞測試

單身耐咗，好多時候都不知道點解就係唔想再拍拖了，上次提到可能係患上「戀愛低體溫症」，韓國最近大熱嘅戀愛細胞測試，就連金鐘國都有喺節目上試玩，假如中咗8個以上代表你嘅戀愛細胞已死亡；4-7個係戀愛細胞暫時處於沉睡狀態；3個以下代表你戀愛細胞完全正常。快來啲嚟測下啦~~

.

戀愛細胞測試症狀1：已經單身超過2年

單身2年以上，代表你已經習慣咗一個人嘅生活，身邊唔缺朋友或者異性BFF，所以覺得就算唔拍拖生活都無咩大不了，即使身邊曾經出現對象對你有好感/追求你，你都可能唔會察覺。

.

戀愛細胞測試症狀2：覺得比起出街，喺屋企更舒適自在

其實好多人都會覺得比起出街，喺屋企食住零食煲劇仲開心，但係如果你唔出街，姻緣都唔會突如其來咁出現喺你面前，多啲出街先會增加桃花運~

.

戀愛細胞測試症狀3：怕麻煩而拒絕相親

好多人對相親有種既定嘅觀念，覺得難為情、唔好意思，咁所以當有人想要介紹對象畀你認識時，你會因為麻煩而不假思索咁拒絕，其實只要抱住認識多一個朋友嘅心態就OK啦。

.

戀愛細胞測試症狀4：著衫覺得舒服最重要

單身耐咗會變得唔願意好好咁打扮自己，就連著衫都覺得舒服要緊，但係單身時就應該時時刻刻好好裝備自己，如果某一日撞到有緣人~咁就可能因為頹look而錯過一段大好姻緣。

.

戀愛細胞測試症狀5：日常沉悶且重複

每日翻工放工之後就係翻屋企，完全唔願意約朋友聚會或者為自己增添生活娛樂，鍾意留喺屋企煲劇、上網、玩手機同睡覺，於是日常變得沉悶同單一，唔願意接受生活因戀愛而帶來嘅變化。

.

戀愛細胞測試症狀6：即使睇浪漫愛情劇都唔會心動

就算會煲劇，煲到一啲好sweet嘅劇情，都唔會因為咁而少男/少女心大爆發，，而係會覺得一切都只係偶像劇內容，久而久之，你或者對愛情已經失去憧憬。

.

戀愛細胞測試症狀7：對於同異性保持聯絡感到厭煩

有啲人可能覺得要同人keep contact，諗話題持續傾計好無聊，令到你無法同異性建立感情，了解唔到對方就已經放棄戀愛嘅開始。

.

戀愛細胞測試症狀8：只願意同相熟朋友維繫感情

好多人都只想留在自己嘅舒適圈，唔願意作出新嘗試，咁樣你嘅朋友圈子唔夠廣闊，就好難認識到新朋友，難有新嘅感情機遇。

.

戀愛細胞測試症狀9：獨自食飯喝酒也都唔會感到孤單

享受孤獨、享受咩事都一個人完成，咁樣你會習慣孤獨，習慣一個人嘅生活。

.

戀愛細胞測試症狀10：生活太忙碌，無時間去戀愛

你將戀愛嘅次序放喺邊度？你將時間都放喺邊度？你願唔願意為戀愛抽出時間嗎？如果你潛意識拒絕戀愛，咁你就會成日都用忙碌作為籍口。

.

你中咗多少個症狀？如果你測試完發現係自身問題，相信只要稍作改善，另一半好快會出現！

___________________________________

【循環貸款$10,000 真正免息90日】 等緊錢救急?! 依家借你$10,000頂住先 90日零利息、零手續費、冇隱藏收費！申請同日到帳！ 仲要等咩呀，立即申請Zwap Wallet循環貸款啦！ . 了解更多及拎埋$10,000 👉🏻 https://bit.ly/2xAlPBf 👈🏻 . 📞CS Hotline: 2111 0991 📱Whatsapp: 9456 1311 #ffloan #過3爆4 #大學5件事 #zwaphk #hku #cuhk #hkust #polyu #cityu #hkbu #hkuspace #ouhk #ocamp #vtc #hkedu #lingnam #hkcc #hkdi #hsmc