出街戴口罩眼鏡起霧超麻煩？ 4個實用小Tips！
- 用皂液或洗潔精抹眼鏡
戴口罩前可以先用洗潔精或者皂液直接抹眼鏡鏡片表面，等待眼鏡乾，咁樣有助阻隔霧氣同鏡片接觸！
- 口罩鐵線邊位向內摺
只要喺配戴口罩前，將口罩上方嘅鐵線邊位向內摺，就可以減少呼吸流向鏡片嘅空隙，令眼鏡唔再起霧。
3.放入紙巾吸濕
戴口罩之前可以準備一張紙巾，向內摺四摺，然後放到口罩內嘅鼻樑位置，將空隙減少同時吸收濕氣，令眼鏡減少起霧機會。
- 眼鏡防霧噴霧
坊間有各式各樣嘅眼鏡防霧噴劑，原理同洗潔精相似，能夠長時間防止眼鏡起霧，既方便又衛生。 如果你哋唔想買出面嘅噴霧，可以試下用甘油混入梘液（3:1）同幾滴松節油自製「家用防霧水」，用嗰時只需要攞眼鏡布將防霧水塗抹喺鏡片兩面就大功告成，防霧效果大概可以維持到三至四小時。
武漢肺炎持續擴散，有傳眼睛都可以感染病菌，大家出街不妨戴埋平光鏡遮擋，而你們都不妨試試以上四種經濟又實惠嘅方法！最後，祝大家身體健康！！