大學生要點理財？

1.首先要學識慳錢

大學生想開始學理財，第一步就要從「節流」做起。

好多嘅大學生都成為咗「月光族」，到月中就已經將啲錢洗得七七八八，形成一個惡性循環。要打破呢個循環，就要學識節制，喺買嘢嘅時候要意識到呢樣嘢對自己係咪真係有「真實需要性」。消費係一種衝動所以可以養成「記帳」呢個習慣，啱啱記帳嘅時候可以將自己買嘅每一樣嘢都記低，即使係好細嘅花費亦都要要記低。
所以喺消費之前都要認真問下自己：

• 「如果唔買，我係咪會好痛苦？」
• 「如果唔買，我係咪就會唔開心？」

2.你要學識賺錢

當你學識慳錢之後，就會慢慢發現，就算再點慳，最多都淨係儲到少少錢，正所謂開源節流，節咗流，咁就要去開源。開源嘅方法可以係去打工、幫人補習，甚至用「網絡」嚟賺錢，例如填線上問卷、經營網站等等。

3.要做好管理

當你識慳錢同賺錢之後，跟住就要學識「財務規劃」。

如果你只係一味咁賺錢同慳錢，雖然係有做到「儲蓄」，但係咁樣仲唔夠，我哋仲要學識點樣分配啲錢，例如將啲錢分成 4 種，然後分別開唔同嘅戶口： 日常生活戶口、學習戶口、投資戶口、娛樂戶口。當然啦，每個人嘅狀況都唔同，有啲人可以淨係分2種，但亦都有人分到 8 種，呢個部分就要睇下自己嘅狀況喇。

4.最後，你要學識投資

大學生理財嘅最後一點，亦都係最重要嘅一點，就係要「投資」。但係此投資非彼投資，呢到講嘅投資唔係買股票、基金嗰啲，而是指投資你自己。大學生仲有很多要學嘅知識，與其將啲錢去買股票投資，不如先好好投資自己。

咁學生可以點投資自己呢？

大學生可以去讀呢兩種嘅課程：財務規劃、理財投資類通識課同財金相關科系選修課，或者係去睇一啲理財嘅書。記住唔好吝於學習，要跨出舒適圈，只有持續學習先可以令自己成長。

最後總結一下，我哋要先學識「慳錢」，再學識「賺錢」，然後係「管理」，最後係「投資」。