原來這5個地方就是宮崎駿取景靈感來源！跟著他去旅行吧~

日本殿堂級動畫大師宮崎駿多次宣佈引退，而最後一部作品（暫譯：你想活出怎樣的人生）即將於今年上映，假如宮崎駿無再次復出嘅打算，呢部動畫或者會係佢嘅告别作。宮崎駿嘅動畫畫風獨特，而且故事特別感動人心，引人反思。宮崎駿每次畫動畫前，都會做足大量嘅資料搜集，又會去唔同地方攞下靈感，所以好多喺動畫出現過嘅場景同地方，其實喺真實世界入面真係存在架。就等我哋跟住宮崎駿去旅行，睇下呢啲場景嘅真身啦！

《天空之城》/ 英國

喺《天空之城》中出現嘅嗰個城堡，有指係根據英國卡那封城堡所畫嘅，呢座城堡建於中世紀，歷史久遠卻但喺外觀上就保留得十分完整，城堡嘅設計具有線條感，而且保衛嚴謹，難怪宮崎駿會安排女主角被人綁架到呢度啦。

《魔女宅急便》/瑞典

宮崎駿曾經講過，《魔女宅急便》嘅虛構國家克里克係以瑞典哥特蘭島上最大嘅城市維斯比作為藍本，所以當琪琪喺天空上飛行個時，觀眾可以睇到好多紅色磚屋頂、石頭城墻等建築，同維斯比十分相似。

《飛天紅豬俠》/希臘

主角波魯克嘅秘密基地，其實就係希臘著名景點扎金索斯州！這個充滿神秘感嘅角落又名「沉船灣」，一輪船擱淺在沙灘上，而且三面都是非常高嘅岩石，好有秘密基地嘅的氛圍，眼利嘅觀眾都會認得，呢度亦都係韓劇《太陽的後裔》嘅取景地！

《幽靈公主》/日本

據說，宮崎駿喺畫《幽靈公主》前，多次去到日本屋久島，有「白谷雲水峽」之名嘅一個苔蘚森林探景，呢度散發住獨特嘅仙氣同神秘感！有機會一定要到訪呢個仙境！

《千與千尋》/日本

《千與千尋》中，女主角千尋工作嘅「油屋」其實係以日本目黑一間高級酒店雅敘園作為參考，呢間酒店保留咗日本傳統建築，且非常精緻奢華又不失藝術感，完全能體驗日本嘅傳統文化！下次去日本，不妨去體驗下千尋嘅工作啦！