呢排成日都用Zoom 其實你哋又知唔知佢係咩嚟呢？

相信依家大家都用緊Zoom上堂啦！呢排都成日聽到唔少嘅Zoom笑料，好似係上緊堂但係屋企人亂入仲以為你打緊機，搞到勁尷尬！仲有啲同學仔未著好衫就開左Zoom俾人睇到晒！真係咩情況都發生過。但係用咗一排Zoom，你哋又知唔知佢係咩嚟呢？

其實Zoom係嚟自美國加洲既一間科技公司嚟嘅，主要提供企業會議同網絡會議服務，唔只有高品質嘅畫質同音質，最多仲可以有100個參與者添㗎！😱Zoom即係處於3G網絡環境都可以流暢運作，係比Skype更適合喺用緊Data嘅時候使用㗎😉

唔只阿！Zoom仲有好多有趣既功能！
相信大家都知有聊天功能，其實你仲可以揀特定嘅參與者私chat，好有以前上堂傳紙仔嘅feel阿🤣你仲可以縮細Zoom嘅視窗，咁就可以一邊上堂，一邊睇Notes或者做自己野啦🙊

另外，如果你唔想比其他同學仔見到你間房笠笠亂，仲可以用虛擬背景功能，咁就唔驚俾人睇到晒啦！仲狼好多款背景可以揀㗎，有星空、沙灘、樹林等等🤣

雖然要屈喺屋企，不過有用Zoom上堂都可以同同學一齊玩下無咁悶！