呼喚酒鬼朋友~UNO推出瘋狂飲酒升級版！

「新」活見聞

REU少不了嘅當然係飲酒環節，但係好多時同班酒鬼朋友已經好似玩到冇嘢好玩咁，大家都瞭解對方嘅套路，有時候猜枚都去到不分上下嘅地步。UNO好似明白大家嘅心聲咁，其實平時人多已經好中意玩UNO，依家UNO仲新推出咗酒game版本「Drunk UNO」，見到呢個post都忍唔住諗起好耐冇約嘅酒鬼朋友~~

.

唔知有冇你哋又有無咁快已經試玩過UNO輸咗飲酒當懲罰呢？喺玩「Drunk UNO」當中，Draw人、Reverse、skip、同輸家都係要飲Shot，即係玩嘅期間已經要不停飲shot，真係諗起都醉醉地~

.

醉酒UNO玩法大致同平時一樣，顏色或數字一樣嘅時候，你就可以出牌，無牌出可以抽牌，但如果上家出咗Draw2牌，你就要飲一shot，出Draw4牌，就要飲2shots。其實記得個規矩之後，就算玩普通版UNO都可以當酒game咁玩~

.

而上家出咗Reverse嘅時候，反方向嘅下一位玩家就要飲2 shots；被Skip嘅玩家無機會出牌之外，仲要飲翻1shot，Last Card唔記得叫「UNO」嘅人，或者途中出錯牌就要被罰飲3 shots啦！

.

另外，如果酒量好嘅朋友們想玩加強版嘅話，官方有一個國王杯嘅玩法，類似Ring Of Fire嘅4隻King咁，第一至三位出Draw 4牌嘅玩家可以自行選擇斟嘢落杯度，最後出Draw4嘅玩家就要飲曬呢杯溝出嚟嘅酒。

.

「Drunk UNO」一推出就賣到斷貨，近期心郁郁想玩嘅朋友就要自備酒杯啦~不過飲酒要量力而為啊！

 

分享至：