唔夠貨？教你自製天然清潔劑
肺炎期間，好多防疫用品都俾人掃哂，屋企唔夠清潔用品☹？今次同大家介紹下較易買到嘅天然清潔劑~材料好簡單，就係梳打粉同檸檬酸🌟！
呢兩款可食用嘅材料成分天然，唔含化學或者有害嘅殘留物，對人體、寵物、環境都好啲㗎🥰~下面有4種家居嘅清潔方法：
- 清潔廁所去水位🕳
係去水位倒一杯梳打粉，再倒一杯熱檸檬酸水，五分鐘之後再倒入熱水。重覆幾次上面嘅步驟，有助疏通同清潔去水位。
- 清潔馬桶🚽
用100毫升嘅水溝3公克嘅檸檬酸，每日噴落廁所到，有淨菌、洗滌嘅作用。
- 清潔階磚、紙巾架、毛巾架🧽
用濕嘅百潔布抹啲梳打粉黎擦，再用水沖乾淨。
- 清洗波鞋👟
係盆到加4升暖水同1匙檸檬酸，將波鞋放入去浸至少3粒鐘，再用水洗乾淨。
以上嘅用法成份可以因應情況調較，如果想安心啲乾淨啲👍🏻，就真係要買返支清潔劑啦，希望大家都夠防疫用品用，保護好自己啦💪🏻~