嗜辣人士必試 韓國辣雞炒麵推出辣雞牙膏！ 豐唇功能？！

韓國三養「辣雞炒麵」曾經風靡一時，成為好多嗜辣人士嘅挑戰物，至今「辣雞炒麵」嘅風味依然係好多鍾意韓式辣味嘅人必食嘅嘢，淨係想象都已經可以顛覆咗你嘅口、舌！依家韓國辣雞炒麵居然創新咁聯名推出「辣雞牙膏」，真係創造力量同幻想會嚇你一跳！到底呢支牙膏有幾勁爆？快啲嚟睇睇啦！

.

三養辣雞炒麵同韓國2080牙膏聯名合作，推出「2080 HOCHI牙膏」，結合辣雞炒麵嘅招牌吉祥物「HOCHI」同2080牙膏。

.

齋係牙膏嘅外表就可以感受到辣雞嘅嗆辣感，成支火紅色包裝加上HOCHI噴火嗰樣，唔睇會以為係一支辣醬調味料。其牙膏、牙刷、就連唧出黎嘅牙膏都係血紅色！真係睇到都覺得辣……

.

但係其實呢支牙膏表面好似會嚇親人咁，原來佢只係薄荷口味，攞黎做整蠱人嘅手信禮物都幾好~~

.

著火嘅辣雞牙膏喺韓國CU便利店就可以買到啦，價格為4000韓元，連牙刷套裝就4500韓元，如果仲去到韓國旅行嘅話，呢個都係幾特別嘅手信，適合送俾嗜辣嘅朋友。