多重口感布丁燒~用古早蜂蜜蛋糕製作的新配方！
多重口感布丁燒~用古早蜂蜜蛋糕製作的新配方！
.
布丁燒係近期熱門嘅甜品之一，今次小編用咗古早味嘅蜂蜜蛋糕代替傳統乳酪蛋糕，令到口感更輕盈，食起嚟冇咁膩，而且做法相對上更加簡單！三層口感：焦糖+蜂蜜蛋糕+布丁，入口即溶，仲有
焦糖嘅餘香~
焦糖步驟
布丁步驟
蜂蜜蛋糕步驟
.
食材：
焦糖方面：白砂糖 65g；凍水 10g；熱水 25g；
布丁方面：雞蛋 3個；蛋黃 1個；白砂糖 40g；香草精 2g；牛奶 295g；淡奶油 30g；
蜂蜜蛋糕：雞蛋 2個；白砂糖 25g；蜂蜜 15g；香草精 2滴；低筋麵粉 60g；
.
步骤：
- 準備一個杯子模具。
- 將砂糖、凍水倒入煲度，加熱到焦糖液變色，晃動個煲，令到顏色均勻，期間唔需要攪拌。
- 直至顏色到達焦糖色，迅速倒入熱水，攪拌均勻，再煮30秒熄火，然後倒入模具仲，每個杯12-13g左右，放入雪櫃。
- 將牛奶、淡奶油倒入煲度，加熱到邊邊開始起泡泡。
- 將蛋、糖、香草精，用打蛋器攪拌打散，然後邊攪邊加入熱牛奶，過篩。
- 將頭先放入雪櫃嘅模具攞出嚟，倒入⅗。
- 雞蛋、糖、香草精、蜂蜜，用打蛋器攪拌打散，隔水加熱攪拌到35度，再用電動打蛋器打發到有紋路嘅糊狀。
- 加入篩過嘅麵粉，用刮刀拌勻，裝入裱花袋度，又外向內擠入模具度，抹平表面。
- 焗盤加入溫水，放入焗爐，150度焗40分鐘，咁就完成啦！
.
另外俾啲小Tips大家！
- 煲焦糖嘅時候唔好將火較細，因為溫度驟降會導致反砂。
- 顏色越深，焦糖苦味越重，顏色越淺，焦糖越甜。
- 擠蛋糕糊嘅時候，沿住杯邊先擠一圈，咁啲蛋糕糊就唔會跌落啲布丁液度。