大學生報intern CV有乜嘢要注意？
每一年嘅年頭同埋年中都係大學生報實習嘅高峰期。
新一年嚟啦！唔知大家覺得CV上有乜嘢係可以寫，有乜嘢係唔可以寫。不如就等我喺度解答下你地啦！
- 用幾句句子去介紹自己
通常實習生都會報唔同嘅公司，而每間公司嘅人都會睇你哋自己本身對自己既睇法。大學生可以喺CV嘅頭幾句簡略咁介紹吓自己嘅性格同埋自己對於做嘢嘅期望
- 由最近期嘅工作經驗開始寫
切記第一行嘅工作經驗通常都會由最近期嘅開始寫，因為雇主會想了解你最近做過乜嘢類型嘅公司，同事會比較一下你之前做過嘅公司同你申請嘅公司嘅類型相唔相符
- 可以寫自己嘅興趣，但唔好寫同工作類型嘅無關
有好多學生都以為可以寫自己嘅興趣會為自己加分。唔係話唔得，同自己工作類型嘅相符就最好啦！譬如你本身嘅興趣係攝影同埋修圖，咁啱你都係報廣告公司同埋攝影公司，咁呢一行興趣你就一定要寫落去啦！