大熱韓劇 ─《愛的迫降》

講到呢排最大熱嘅韓劇，就一定係愛的迫降❤️❤️❤️好睇嘅程度係會令人煲劇煲到凌晨4點鐘！玄彬真系好型啊！😍

劇情講述韓國財閥繼承女尹世利 (孫藝珍飾演)，因🏔滑翔傘事故降落喺北韓，同一直守護喺佢身邊並愛上佢嘅軍官 李政赫 (玄彬飾演)之間🥰一段秘密而且浪漫嘅愛情故事。愛的迫降係由《火星生活》、《羅曼史是別冊附錄》李政孝導演同《來自星星的你》、《藍色海洋的傳說》朴智恩作家合力製作。

呢部劇除咗男女主角顏值都好高之外、亦因為對北韓呢個神秘國度有細緻入微嘅描繪而受到廣泛讚賞，咁係因為佢嘅編劇團隊入面有一個真正嘅脫北者 – 郭文安😱，所以入面有好多北韓特色嘅生活片段，例如🚊火車會因為斷電而突然停駛10幾個鐘，😭街上有無家可歸嘅小朋友，又因為經常停電嘅關係，雪櫃被用咗嚟存放書同埋衣服🤣，而唔係食物。

🧐但係就有人話呢套劇係喺到美化緊朝鮮。例如劇中村民似乎有唔少食物，但現實中，糧食短缺係北韓一個長期存在嘅問題。但係始終愛的迫降都係一套電視劇嚟姐，唔好太認真！😆