天秤座下半年運勢

23/9-22/10係天秤座嘅日子😌想唔想知道下半年嘅運勢?😏想知就睇埋落去啦🤪

工作👩🏻‍💻
喺下半年,天秤既工作量大增🤯工作環境亦都會產生較大嘅變化,例如人手調動等等。不過呢啲轉變並唔係壞事,因為天秤經歷完呢啲轉變之後,工作表現反而會比以前更好🔥天秤可以更加專注喺創意同創作方面,可能會有意想不到嘅收穫,令人眼前一亮🤩

人際關係🤝
喺下半年,天秤會備受討論同關注。無論係做好事定壞事,又或者係一啲舊照,都有機會俾人攞出嚟討論💬所以要做好心理準備😖天秤亦會明白到只有做自己,唔盲目去跟從人地嘅諗法,先可以保持良好嘅人際/合作關係🤝喺下半年有機會建立一個自己嘅朋友群🤩

感情❤️
天秤開始想追求穩定嘅關係,單身嘅你可能會俾一啲可靠/穩重嘅對象吸引🥰亦都開始唔介意年紀比較大嘅對象。而下半年,你嘅前男女朋友亦都可能會搵翻你,所以舊愛同新歡都有機會🤭而對象通常會以朋友嘅身份接近你~所以天秤記得留意下你身邊嘅朋友啦😏😏

總括嚟講,天秤喺2021年都係維持住搵自己同做自己嘅一個過程😌經過2021年,天秤會變得更好,更清楚了解自己想做啲咩,做好準備迎接之後嘅事業高峰🥳