好想出pool但出唔到？ 你可能患有「戀愛低體溫症」！

年尾經歷完聖誕節就倒數新年，見住朋友們喺IG度放閃覺得特別寂寞，單身耐咗但係一直都冇出pool？你可能患咗「戀愛低體溫症」！所謂嘅「戀愛低體溫症」指嘅係「因為驚被人討厭，所以喺無意中踩剎車，唔畀自己愛上人嘅狀態」。以下呢6個症狀，你又有無中到呢？

1.無法愛上他人

明明好想拍一場長長久久嘅戀愛，但心入面總有種莫名嘅不安感，令你無法投入去愛上另一個人！

2.覺得重新適應一個人好煩，與其同人拍拖寧願選擇單身

一諗到要重新適應一段關係，然後適應對方嘅各種習慣諗都覺得好攰，咁係因為你潛意識驚拍拖，所以想逃避。

3.唔想再依靠人哋

或者係上一段感情令到你對人失去信心，你唔敢再全心全意咁去依靠同相信對方，只要一察覺到自己稍微有沉船就想走開。

4.一旦同對方變得親密，就想拉開彼此嘅距離

因為驚親密之後嘅深入互相了解，擔心對方了解真正嘅你，會因此被對方拋棄，所以你會將對方推開。

5. 總係覺得「無人會真正愛自己」

因為缺乏自信，會不斷否定自己，成日覺得自己比其他人差。

6.內心無法真正接受人哋對你嘅讚美

面對其他人嘅讚賞，內心就會產生抗拒嘅感覺，認為對方係出於禮貌先會咁講，覺得對方唔是出自真心，從而隔開咗有心想同你發展嘅人~