屈係屋企都要郁下 在家輕鬆消脂段練

肺炎爆發期，好多大學都轉咗Online teaching同埋Work From Home，但係長期留喺屋企唔出街🙅🏻‍♀反而更加攰咁，有時真係好想郁下減肥，做運動增強抵抗力，下面就建議俾大家呢4個動作，係屋企都可以練下💪🏻！

動作一：原地跳繩

原地做跳繩嘅動作，保持協調同連貫，落地嘅時候可以微微屈膝，降低衝擊。

效果：運用全身嘅關節，係好有效嘅熱身同燒脂動作。一次跳100下，休息30秒，再跳100下。

動作二：抬高腳🦶🏻

挺胸收腹，挺直腰背，腳尖同膝頭保持向前，大脾略高過髖，前腳掌掂地同發力。

效果：高強度嘅運動，可以快速提高心率。一次抬30秒，休息30秒，再抬30秒。

動作三：深蹲🏋🏻‍♀

收緊腹部，腰背挺直，臀部縮緊，腳尖同膝頭保持同一方向，大脾同地面平行。

效果：鍛煉臀腿肌肉，可以快速燒脂。一次做30下，休息30秒，再做20下。

動作四：屈膝卷腹🦵🏻

屈起大脾同地面成45度，雙手放係耳仔到，收緊腹肌，完成卷腹動作。

效果：鍛煉腹部肌肉，效果會好明顯㗎，一次20下，休息30秒，再做20下。動作要慢，感受到腹部發力就得㗎啦！

做一組嘅時間唔洗15分鐘，新手淨係做一組就可以😉，適應咗之後，每日做2組或者挑戰3組，燒脂同減肚腩效果會非常明顯🤩~