強身健體之終極新手篇

如果你好似小編一樣,行兩步樓梯都喘氣喘到成隻牛咁,但又想改善自己嘅身體質素,咁依篇文就啱晒你~

 

相信好多人都試過跟住一啲YouTube 片去鍛鍊身體,但因為體能太差而力不從心。一係跟唔足佢嘅動作,一係因為太辛苦而堅持唔到!所以今次介紹一系列平時冇乜運動嘅人都可以跟到嘅片俾大家!

 

上網search [pamela happy dance] 就會搵到Pamela Reif 所出一系列約12-15分鐘嘅運動片。依個系列通常都係跟住一啲有強勁節奏感嘅音樂做運動,而且唔需要健身器材都做到!因為啲音樂太cheerful 再加埋啲動作唔係太難,所以真係會有種「跳舞」嘅感覺~加上佢只有十幾分鐘,連放棄嘅籍口都冇!因為喺你覺得攰想放棄嘅時候,條片都差唔多完~

 

除咗依系列適合終極新手嘅小運動之外,Pamela Reif 都有好多針對唔同目標嘅運動,有興趣嘅可以挑戰下自己~

 

Pamela Reif 嘅channel 仲會post workout plans 俾大家,一個星期會出一次!每日都有唔同嘅鍛鍊目標,仲會寫埋大約會消耗到幾多卡路里。想喺屋企鍛鍊下身體嘅就可以參考下佢嘅plan 喇!