愛的迫降 真有其事？

近排最hit嘅韓劇實係《愛的迫降》💗啦，劇情講財閥主角尹世理(孫藝珍飾)，喺試自家品牌滑翔翼嘅時候遇上龍捲風🌪，醒返之後發現自己竟然喺北韓！

而喺2008年，南韓都有一位女星喺仁川玩皮划艇🚣🏻‍♀嘅時候因為迷失方向而漂到北韓岸邊，仲唔小心同北韓男子傾計，最後俾北韓警方追擊之後逃走咗！編劇朴智恩將事件收集之後加以改編就完成咗《愛的迫降》嘅藍圖啦🤩。

另外，喺《愛的迫降》入面，可以睇到好多關於北韓嘅劇情元素，原來劇組除咗請朝鮮語專家作為顧問之外，仲請埋「正統脫北者」擔任助理編劇⭐，令劇情更貼近北韓嘅真實背景，觀眾都可以更加了解到北韓嘅民生環境。女主角用「滑翔翼」漂流去北韓，都係採納北韓軍事航空專家嘅建議💭。睇得出《愛的迫降》劇中關於北韓嘅一切都唔係作㗎😲！