懶人減肥食譜 – 蘑菇豆漿
近排成日留喺屋企冇乜點郁過，係咪又增咗磅呢？今次分享一個手殘都識整嘅懶人減肥食譜俾大家，得閒可以試試佢！
依個食譜係由一個台灣YouTuber 波痞自創，要嘅材料同工具非常簡單：
- 無糖豆漿一盒 (大約400ml)
- 菇類一包 (鴻禧菇、雪白菇、舞菇或其他你想食嘅菇都得)
(依個份量細食嘅朋友可以整到兩次㗎！)
做法:
將豆漿同菇放喺一個入得微波爐嘅容器到，然後加入鹽(一匙) 同雞粉(半匙) 調味。而加熱嘅時間因份量而異。一個飯碗份量嘅豆漿就要放入微波爐加熱1.5分鐘，之後打開攪一攪佢，再叮多1.5分鐘就食得！
依個蘑菇豆漿整出嚟似蘑菇濃湯嘅味道，但熱量就低好多！仲有比較高嘅蛋白質添！整嚟做宵夜或者減肥嘅時候食都係一個唔錯嘅選擇。睇落依個食譜整出嚟好似會係黑暗料理，但其實真係放得入口㗎！佢叮完出嚟真係有濃郁嘅口感！如果覺得味道太淡可以落少少你自己鐘意嘅調味料(試過落麻醬係ok的)。