戶口種類你知幾多

就嚟畢業出社會工作，開始接觸到投資、出糧、存款呢啲terms，亦有唔同戶口種類可以幫你做呢啲action，但你又了唔了解咩戶口有咩功能呢～

💰儲蓄戶口

儲蓄戶口會提供利息，可以隨時提款，即係大家平時最常申請嗰類。

💰往來戶口

往來戶口無利息提供，但可以俾你用支票去俾各樣嘢，方便靈活理財。

💰定期存款戶口 

定期存款即係擺一筆資金喺銀行一段時間，喺期限內都唔可以攞返住，期限由一星期到三年不等。存款期到咗之後，你可以揀拎返筆存款出嚟或者繼續定期。呢類戶口嘅利率一般高過儲蓄戶口，即係存款期越長，存款利率就會越高㗎啦。

💰外幣存款戶口

呢類戶口係俾你打理外幣資金，唔同銀行會提供唔同嘅外幣選擇，而每種外幣嘅利率都唔定。

💰綜合戶口

呢類戶口方便你掌握財務狀況同管理唔同戶口嘅資金往來。

💰投資戶口

投資戶口可以俾你買賣股票、債券同信託基金，認購存款證、上市新股、股票掛鈎或者外幣掛鈎存款等。大部分銀行都有提供投資專才，幫你提供投資意見，揀返啱自己狀況嘅投資策略。