把握戀愛時機~大學出Pool方法大全！

準備又到聖誕，唔少人臨近呢個節日都唔想過「Lonely Christmas」，好想出Pool嘅你喺大學究竟點先最快拍到拖？！

.

住Hall

Hall入面一定會有好多活動比你參加，例如ocamp可以識到唔同嘅Freshmen之外，亦有high table等配對類型嘅活動，鐘意玩運動嘅都有唔同嘅球類訓練同比賽，就算你幾「摺」都好，其實都可以識到朋友，大時大節嘅時候Hall都會搞啲節日派對，例如Christmas Ball，可以喺濃厚嘅節日氣氛之下提高出Pool機率！

.

上莊

上莊之後你會同莊員一齊做莊務、捱通頂搞活動、莊聚等等，同莊員日對夜對，你幫下我我幫下你咁，慢慢就會日久生情，再者做得莊員通常都會十分投契，大家都有差不多的話題，容易走到一齊！

.

參加soc嘅活動

如果住唔到呵又唔想咁chur上莊，不妨考慮一下玩soc嘅活動認識下有共同嗜好的朋友，而且大學仲有好多學會比大家選擇參加，例如dance soc、film soc、Dram soc等等，通常他們的活動場合都會比較輕鬆，而且大家都會互相交換聯絡方式，係出Pool好方法!

.

Exchange

Exchange並唔會好似你想象中咁寂寞，通常一間u入面都會有班香港人，喺呢幾個月生活裡面互相照顧，例如一齊買餸煮飯，而且仲可以一齊去鄰國旅行，喺咁浪漫又有點寂寞的環境下，的確係出Pool嘅好機會！

.

其實想出Pool仲有好多其他方法，緣分到自然就會有拖拍！單身而又想出Pool嘅你唔需要太愁啊！