早餐Chill住食雲朵蛋~展開靚靚心情一天！
（參考圖片）
工具：
紙巾
裝蛋容器
打蛋器
焗爐
食材：
雞蛋X2
麵包X2
鹽 少許
做法：
- 準備一個乾淨嘅容器放蛋白，確保唔會有任何水份同油脂。
- 蛋白與蛋黃分開，將蛋黃放喺另一個容器中。
- 加少許鹽/喜歡嘅香料 (例如：香草) 喺蛋白度，然後用攪拌器打發蛋白到挖起嚟都唔會滴落嘅程度。
- 攞出烤盆，焗爐預熱，烤盆上鋪上錫紙，將蛋白放喺烤盆上，做出分別2朵雲朵嘅形狀。
- 雲朵中間用湯匙壓一個凹槽狀。
- 在凹槽位置輕輕咁放上蛋黃。
- 將烤盆放入已經預熱完成嘅焗爐，用190度焗7-10分鐘。
- 睇到蛋白表面焗到焦黃色，就大功告成啦！