最近必睇!點解天竺鼠車車爆紅?

最近網絡上動畫天竺鼠車車爆紅,到底點解佢會咁紅呢😳 

 

故事入面所有嘅天竺鼠都化身成為車,咦啲咁得意嘅天竺鼠車車就係依部動畫嘅主角喇!天竺鼠車車係用羊毛氈製作出嘅定格動畫,而且係由真實嘅天竺鼠配音,每集大約3分鐘嘅劇情,節奏明快。可愛嘅天竺鼠加埋咁有趣而簡短嘅劇情,唔單止吸引小朋友睇,仲吸引咗好多大人每個星期追看,令到天竺鼠車車喺網絡上面爆紅!

 

起初小編都唔明點解天竺鼠車車會紅,所以專登上網搵咗嚟睇😂點知就俾佢哋俘虜咗小編嘅心!睇完第一集好自然地就會㩒去下一集,好似中咗毒咁😂 而且依部動畫嘅畫風又可愛又細緻,每個角色都有佢嘅性格,係一套好治癒嘅動畫~ 平時生活、讀書咁大壓力,間唔中睇下一啲令人會心微笑嘅小動畫都係一個放鬆嘅好辦法

 

雖然天竺鼠車車係好可愛,但大家唔好因為一時嘅衝動而去養天竺鼠,記住要對生命負責啊!

 

天竺鼠車車喺每個星期二都係木棉花嘅Channel上面有得睇!喺下面留言或者tag 你嘅朋友,小編會send wallpaper 俾你!