本土研發 首杯A.I.咖啡登場 根據實時氣溫、時間「度身訂造」!

本土研發 首杯A.I.咖啡登場 根據實時氣溫、時間「度身訂造」!

 

A.I. 技術漸趨成熟,甚至預見A.I.將會全方位改變,不單係科技、資訊業發展,甚至會改變消費者嘅日常,你有諗過就連每一日必飲嘅咖啡都可以透過AI科技提供每日最適合你嘅選擇?最近,香港編程學校Preface Coding聯同咖啡店Preface Coffee創作一個名為「Code Brew Project」計劃,推出全港第一杯A.I. Coffee。

.

A.I. Coffee聽落好似好複雜,其實即係無論你買任何類型嘅咖啡,其咖啡濃度、甜度、溫度及咖啡豆種類,都會按照實時嘅數據分析氣溫、時間、甚至世界新聞頭條而得出嘅快樂指數而有所改變,一杯識得「睇心情」嘅咖啡,感覺就係為你嘅每一日度身訂造咁~相當有趣。

.

例如,當你朝早去買咖啡,其咖啡濃度就會相對提高,以便醒神;如果下午茶想飲杯咖啡,咖啡濃度就會相應減少,以免影響睡眠。

.

無論你買凍定熱咖啡,A.I.Coffee都會按照當日氣溫作出調節,例如街外氣溫較高,即使你買熱咖啡都會相對微調溫度,令到咖啡更容易入口,讓客人任何天氣之下都可以享受一淡溫度啱啱好嘅咖啡。

.

另一方面,Preface Coffee仲考慮埋客人打卡嘅需要,將所有實時數據都印咖啡杯上,亦會投影到店,同客人分享咖啡嘅「調配方式」,讓每一杯咖啡都與眾不同。

.

之前全球化令到餐廳都追求食物出品統一,不論分量、口味等追求一致,讓每個客人都可以無差別地嘗試到餐廳認為最完美嘅食物,但呢款咖啡正正打破呢種傳統,讓客人更加追求生活品味,感覺相當特別!

 

店鋪資訊:

Preface Coffee

地址:天后琉璃街7號柏景中心地舖

企劃日期:9月5日 – 9月30日

Photo Source:Preface Coffee、Secret Tour Hong Kong