本地cafe推介

夏日熱辣辣，行到好熱好熱🔥？緊喺要搵間cafe坐低飲杯嘢嘆下冷氣啦～今次同大家介紹三間唔同主題嘅cafe，佢哋唔只賣咖啡蛋糕🍰，仲會捐款去支持本地傳媒組織添💛，都幾值得幫襯同參觀吓！

⭐️ig: jmtcoffeeshop

地址：薄扶林19號地下

呢間喺主打韓風嘅cafe，最得意喺夜晚7點佢就會變成Gin Bar，粉紫色嘅燈牌最啱打卡，氣氛一流🍸！嘢食方面都唔差㗎，除咗cafe必備嘅咖啡飲品等，仲有韓式甜品提供，好似ANBUTTER、紅蘿蔔蛋糕、Marshmallow系列甜品等，甚至乎芝士年糕都有！鍾意韓風嘅你一定唔可以錯過呢間cafe～

⭐️ig: openground_hk

地址：深水埗大南街198號

呢間用白色做主調嘅cafe夠晒文青氣息，環境寬敞又靜，亦好歡迎客人帶埋電腦或者書上嚟，叫杯咖啡同cake，舒服咁工作😌。佢哋仲會定期舉辦唔同主題嘅免費參觀展覽、畫展，或者小市集，啱晒文青嘅你～

⭐️ig: fourxfour2019

地址：大圍上徑口村15號地下

呢間用暖色系木製主題嘅cafe，由4位男店長打理，雖然地方唔算太大，但喺嘢食款式一啲都唔少，有All day breakfast，炒意粉，焗多士等，份量都好足🤤。呢度雖然不設晚市，但可以預訂包場，大家可以去幫襯吓～