杯麵隱世食法
有時迫不得已要食杯麵但係又食厭咗普通就咁用水沖嘅杯麵？睇下以下依幾個食譜會唔會俾到新鮮感你啦！
- 杯麵+牛奶=忌廉濃湯麵
用牛奶代替水嚟沖杯麵會令個湯更濃郁好味！或者用水沖好杯麵之後加入咖啡用淡奶都會令湯底變得更濃郁㗎。
推薦食法：
海鮮味杯麵加奶
咖喱味杯麵加奶
- 杯麵+芝士=隱世極邪惡拉絲芝士撈麵
用水沖好杯麵之後倒走啲湯之後即刻放芝士上去，等啲芝士溶咗就會變做芝士撈麵喇！
推薦食法：
芝士配咖喱味杯麵
芝士配辣椒蕃茄味杯麵
- 飯+蛋+杯麵=好味炒飯
只要將杯麵整碎再放落去同蛋同飯一齊炒就會得到一個賣相幾好嘅炒飯。
- 杯麵+米=拌飯
將杯麵或公仔麵同米一齊加入去電飯煲到煲就可以得到拌飯喇。依個飯嘅靈魂就係個麵嘅調味料！
杯麵依啲咁唔健康嘅嘢都係少食多滋味，但如果真係食到厭曬，試下新煮法都係正嘅！