校園令人討厭嘅5個情侶行為

鍾意喺公眾場合親熱

其實一個簡單嘅kiss會令人覺得佢哋嘅感情好好，但係如果係極為難捨難分嘅熱吻只會令在場嘅人覺得好尷尬同埋嘔心，尤其係係圖書館呢啲咁靜嘅地方。

無時無刻都喺到秀恩愛

無時無刻都喺到秀恩愛真係好令人討厭，上堂放閃，食lunch放閃，做project又喺到放閃，真係每次見到佢哋都會眼冤。

鍾意喺學校鬧交

喺學校鬧交唔係問題，問題係有啲情侶好驚人哋唔知佢哋鬧緊交，勁大聲，真係所有人都知佢哋鬧緊啲乜，但事實上係冇人想知。

總係分分合合嘅情侶

前一秒仲處於分手期，下一秒又和好返，然後無限循環。大大聲鬧交話要分手，點知第日又見到佢哋喺公眾場合親熱，真係唔知佢哋想點。

喺學校做一啲極極極度親密同私人嘅行為

唔小心撞見呢啲行為真係成世都會有陰影，見到嗰個又尷尬，被人見到嗰個又尷尬，呢個行為真係極度令人討厭。