歐洲人唔戴口罩嘅原因？！

疫情爆發，點解歐洲人仲係唔戴返個口罩先？反而亞洲地區就全民口罩，氣氛緊張，以下就話你知點解！

1. 歐洲人刻板印象：病人先要帶口罩
喺歐洲人觀念入面，病人先需要戴口罩，政府都成日喺媒體宣傳身體健康就唔需要戴。但現實情況係，就算病咗，都好少會見到歐洲人戴。而荷蘭人更認為免疫力夠好，人就唔會病，所以就算附近有人病咗而又無戴口罩，都唔需要擔心
如果真係唔小心被人傳染咗，反而係代表你抵抗力唔夠好，就唔好怪對方無戴口罩。結果歐洲人久而久之就形成咗「只有患絕症或感染急性傳染力疾病先要戴口罩」嘅觀念，如果你戴住口罩喺條街到行，反而會引起其他人不安。

2. 地方大
就好似瑞典地廣人少，連排隊搭車人同人之間都要隔3個人嘅距離，人與人之間互動好少，留喺屋企時間好長，當人少時，疾病就相對唔容易傳染，再加上呢幾十年嚟， 歐洲都無發生過大規模特殊傳染病，更令歐洲人唔習慣戴口罩去預防。

3.病咗就要好好休息
最重要一點係歐洲人普遍認為，如果病咗，就應該留喺屋企休息唔出門。喺呢個請病假相對容易、亦比較習慣喺屋企工作嘅歐洲社會，令呢個觀念更加穩固。