武漢肺炎有乜野測試方法？邊個快啲出結果？

肺炎已經纏繞咗大家咁耐，之前仲聽到有人話要喺機場等檢測等咗15個鐘，等死人咩！但聽聞話依家出咗新嘅testing方法喎，大家一齊了解下！

（1）舊式深喉痰液樣本

用呢個方法係採出喉嚨入面嘅痰液樣本，從而去檢測病人嘅病毒核糖核酸（RNA），用呢個方法嘅好處係即使你身上只有好輕微嘅病毒，佢都可以驗到出黎架👍🏻！價錢平之餘又可以採集到結果，真係幾唔錯！但有樣嘢唔好，就係佢起碼要等6個鐘先會有結果，真係唔知等到幾時啦😴

（2）血液樣本測試

血液樣本測試只需15分鐘就可以知道檢測結果！只需要一滴血就可以檢測血液內嘅IgM同IgG抗體。假設係呈陽性反應嘅話，試紙就會出現2條橫行。不過呢個方法都有一個壞處，就係test錯野嘅機會比較大，有機會出現假陰性，導致出現誤診

（3）鼻喉深處分泌物測試

醫生會採集鼻喉深處嘅分泌物，呢個都係好快就會有結果，但係有樣野比較麻煩，喺採集過程中會比較不適，而且都比較貴，不過只需要等半個鐘就可以知道結果架啦！