母親節諗唔到送咩?!10大母親最想收到禮物排行榜!

每年嘅母親節都要送禮物,好多時候唔係冇心意,只係已經送到唔知送咩好?媽媽最需要嘅係咩?你份禮物又係咪真係送得合時或者合適呢?

.

其實揀禮物都係好考心思嘅過程,考你最近有冇留意到母親缺嘅係啲咩,考你平時有冇留意媽媽唔鐘意啲咩~唔講咁多!母親節將近,如果你哋都諗唔到送咩嘅就睇下以下系列可唔可以激發到你買禮物嘅靈感啦!

.

Top 10:飽肚系列

如果真係諗唔到送咩,母親節當日訂一間媽媽平時鐘意食嘅餐廳,好好咁慰勞一下日日要煮飯嘅佢啦,雖然冇禮物咁貼心,不過一餐飯,一次相聚,閒談幾句,都可以過得好溫馨~不過疫情底下,可能出街食飯會比較危險,可以考慮下為媽媽煮一餐大餐,相信佢都會食得好感動!

.

Top9: 滋補系列

好多時媽媽買落個啲鲍參翅肚都唔捨得整俾自己食,每次都係留到仔女翻一轉屋企先會整,趁住母親節,可以買翻能力之下支付到啲滋補產品,然後強調要佢整俾自己食,相信媽媽聽到都會覺得好欣慰。

.

Top8: 手工系列

手工系列範圍其實可以好廣闊,除咗大家都會諗到嘅手工節日卡之外,其實可以考慮下親身整陶藝、蛋糕、飾物等等,手工系列難度比較高,相對街外買到嘅嘢顯得更加有心機啲!例如:去工作坊整隻碗俾媽媽平時食飯用,其實都係一份好特別嘅禮物!

.

Top7: 花束系列

女人收到花嘅年齡相信好多時都係喺戀愛時期,為人母親之後,可能已經忘記咗收花嘅喜悅,如果咁啱你嘅爸爸係個不浪漫主義者,或者可以考慮下送花俾媽媽,始終仔女送嘅花又係另一種感覺!不過,送花唔一定只係送康乃馨,如果媽媽有特定喜歡嘅一種花,送翻符合口味嘅花更顯心思。

.

Top6: 化妝品系列

如果媽媽平日有化妝嘅習慣,不妨留意一下佢嘅粉底、唇膏、粉餅、妝前打底液、眉筆、胭脂等等用完未!不過呢方面就好考你平時有冇留意媽媽用開咩牌子~如果買咗唔啱佢用嘅化妝品就好尷尬啦!

.

Top5: 護膚品系列

貪靚嘅媽媽都特別著重護膚保養!可以參考坊間推介嘅熟齡肌膚適用嘅護膚品,護膚品系列有眼霜、精華液、潤膚露、面膜等等,貼心一提,如果媽媽係屬於敏感肌皮膚,你揀護膚品嘅時候就要小心啦!

.

Top4: 珠寶系列

冇女人係唔鐘意珠寶首飾~不過送禮物都必須顧及經濟能力!有時候送太貴重,媽媽反而會怪你浪費金錢,所以可以考慮下送輕珠寶,例如會隨著光源變化嘅蛋白石,輕珠寶適合平日配戴襯衫,媽媽收到都會好開心~

.

Top3: 手袋系列

女人嘅衣物間裡面永遠都差一個手袋,手袋真係多多都唔會嫌棄!近期好多名牌都打折~有興趣購買手袋、卡套、銀包、散紙包等嘅考順仔女可以留意下啦!

.

Top2: 按摩系列

講到按摩系列,好多人都會聯想到按摩椅呢啲好貴重嘅禮物,不過,近年興起嘅按摩槍,價錢相宜之外仲小巧實用,即使放喺家屋企都唔會冇位擺,而且用上手好親切,適合工作型嘅媽媽,舒緩一下筋骨!

.

Top1: 家電系列

同媽媽行街,好多時佢都會望下啲砂煲甖罉,如果屋企有享受下廚嘅媽媽,廚房家電系列就十分適合用嚟做母親節禮物!例如氣炸鍋、養生壺等等新產品都係媽媽必備!

.

講到尾,禮物不在乎輕重,只在乎心意!如果真係諗唔到,鼓起勇氣同媽媽講一聲:「辛苦你啦!我好愛你」,其實都已經好收貨~

_____________
【循環貸款$10,000 真正免息90日】
等緊錢救急?! 依家借你$10,000頂住先
90日零利息、零手續費、冇隱藏收費!申請同日到帳!
仲要等咩呀,立即申請Zwap Wallet循環貸款啦!
.
了解更多及拎埋$10,000 👉🏻 https://bit.ly/2xAlPBf 👈🏻
.
📞CS Hotline: 2111 0991
📱Whatsapp: 9456 1311
#ffloan #過3爆4 #大學5件事 #zwaphk #hku #cuhk #hkust #polyu #cityu #hkbu #hkuspace #ouhk #ocamp #vtc #hkedu #lingnam #hkcc #hkdi #hsmc