每次Netflix揀片用好耐時間？ 新功能專為「選擇困難症」服務！

每次喺Netflix揀睇咩片好都用好耐時間？ 新功能專為「選擇困難症」服務！

疫情期間唔少人都會選擇留喺屋企睇Netflix，相信好多觀眾都試過打開Netflix但就花多眼亂，唔知道自己想睇啲咩戲、邊啲戲啱自己睇，或者好多戲都睇過唔知睇咩好！最後分分鐘揀片用嘅時間仲多過睇戲嘅時間，如果你係個經常面對呢個問題嘅人，咁Netflix推出嘅新功能就可能大派用場了。

.

Netflix近期推出咗個「隨機播放」功能，希望可以帶俾觀眾一個無縫接合嘅影視體驗。雖然話隨機播放，但係都唔洗擔心一個驚睇恐怖片嘅你無端端跳咗去播恐怖片，Netflix會根據用戶嘅觀看歷史同「我的片單」中保存嘅影片，從而猜測用戶鍾意嘅電影同劇集，然後再為你播放最適合嘅影片。呢個新功能目前已經開放比特定用戶進行測試，相信測試過冇太大問題嘅話，好快就會開放俾所有用戶，有「選擇困難症」嘅你先耐心等待一下啦~