洗版無極限！GME事件懶人包

相信依幾日大家都俾GameStop (GME) 洗版，過程反反覆覆，到底發生咗啲咩？

簡單嚟講GameStop 係一間賣實體電腦遊戲嘅公司。近年遊戲基本上都可以上網買到，所以佢係一個俾市場淘汰緊嘅行業。華爾街嘅對沖基金公司唔睇好GameStop嘅發展，亦覺得佢嘅股價唔值咁高，所以做空GameStop。

點樣做空？

做空(short sell) 採取嘅係高賣低買嘅策略。

e.g. 

A用$10買咗一件貨，B借你件貨賣俾其他人，供應多咗令件貨嘅價格跌（如跌到落$4）。依個時候B就會用低價買番件貨還俾A，咁B就可以從中賺到$6嘅差價。重點係你要低價買得番件貨先至有得賺！

而Reddit 上嘅r/WallStreetBets 發起破壞嘗試做空GameStop嘅對沖基金公司嘅計劃—喺GameStop股票有限嘅程況下，當大部分人都hold住件貨，價格上升令對沖基金公司冇得用低價入貨還番俾人，到佢要還番件貨俾人嗰日就可能要用極高嘅價錢嚟回購，造成極大損失。

件事去到依度，有人因而身家暴脹，亦有機構幾乎破產，甚至有證券行干預市場，GME事件到最後會變成點好難預測。當然，有好多人hold 住GME係志在參與食下花生，參與依場「散戶vs華爾街大鱷之戰」。最後都係嗰句，投資涉及風險，要諗清楚都做好資料蒐集呀！