準備韓劇馬拉松！2020韓劇懶人包

得《愛的迫降》一套睇完係咪唔夠喉呢😏~2020年都會出好多高質韓劇㗎，今次介紹其中幾套畀大家，準備日煲夜煲啦🤤！

photo source: https://www.koreastardaily.com/tc/news/123224

1.《Touch》

由朱相昱同金寶羅領銜主演，以韓星界背後嘅化妝師💄作為主線，劇情講擁有十年練習生經驗嘅韓秀妍，原本可以出道但因故被迫退出，轉行成為美妝助手，同工作狂專業化妝師車政赫，兩人重拾夢想同人生嘅故事，相差十七歲嘅兩人會擦出咩火花呢😏？

photo source: https://www.koreastardaily.com/tc/news/125253

2.《梨泰院CLASS》

萬眾矚目嘅《梨泰院CLASS》，改編自人氣網絡同名漫畫，由朴敘俊、金多美、權娜拉同劉在明領銜主演，劇情講出身麻麻嘅朴世路，係個唔向惡勢力低頭唔易妥協嘅青年，喺父親去世之後陷入人生低潮，之後係梨泰院開咗間小酒館🍻，立志要向害死父親嘅人展開報仇同反擊。呢套劇嘅ost仲係朴敘俊好朋友，防彈少年團嘅V唱添，網民都表示好期待、好好聽🤩！

photo source: https://www.cosmopolitan.com.hk/entertainment/the-king-eternal-monarch-korean-drama

3.《The King：永遠的君主》

男神李敏鎬退伍之後正式回歸嘅新作《The King：永遠的君主》由王牌編劇金恩淑所打造，李敏鎬喺2013 年主演嘅《繼承者們》，同宋仲基嘅《太陽的後裔》、孔劉嘅《孤單又燦爛的神 − 鬼怪》，全部都係佢寫嘅劇本嚟😍。今次李敏鎬將會同「鬼怪新娘」金高銀一齊上演穿越時空嘅奇幻戀曲，用「平行世界」做背景，神喺人間釋放出惡魔，但係惡魔打開咗平行世界嘅大門，大韓帝國嘅皇帝同大韓民國嘅刑警係兩個世界攜手對抗惡魔，仲同金高銀上演一場「異次元羅曼史」💗。

photo source: https://hk.celebrity.yahoo.com/%E9%87%91%E7%A7%80%E8%B3%A2%E5%BE%90%E7%9D%BF%E7%9F%A5%E6%96%B0%E5%8A%87-%E9%9B%96%E7%84%B6%E6%98%AF%E7%B2%BE%E7%A5%9E%E7%97%85%E4%BD%86%E6%B2%92%E9%97%9C%E4%BF%82-%E6%BC%94%E5%93%A1%E9%99%A3%E5%AE%B9%E6%9B%9D%E5%85%89-120442889.html

4.《雖然是精神病但沒關係》

《雖然是精神病但沒關係》有望成為金秀賢喺舊年退伍之後首度回歸螢幕嘅作品，佢第一次搭檔《無法律師》演員徐睿知，目前演出嘅細節都仲係確認討論緊💭，不過淨係睇劇情設定都夠晒吸引！

《雖然是神經病但沒關係》係由《男朋友》朴信宇導演，同《Jugglers》趙容編劇合作，劇情講一個拒絕愛情嘅男人同唔明白愛情嘅女人，超越生死去愛，尋找返遺失靈魂嘅奇幻愛情劇🤤，係個靠 180 萬韓元嘅保健醫療人力工作生活嘅精神病院男護工，同一個有反社會人格童話作家嘅故事📝。