獅子山下的正能量！ 100%本地彩虹特別版口罩將登場

喺較早前香港發生口罩搶購潮之後，面對仍然未知持續多久嘅疫情，口罩供應依然相對緊張，所以好多香港本地品牌設立口罩生產線，而Oxyair Mask就喺官方Facebook宣布即將推出一系列彩虹特別版口罩，成人以及小童尺寸都有生產，至於吸睛十足嘅彩虹口罩，背後有十分溫暖嘅初衷。

.

Oxyair Mask生產口罩嘅初衷係希望生產有品質保證嘅本土口罩，同香港人一起齊心抗疫，發揮「獅子山精神」，而彩虹口罩推出原因都十分貼合公司嘅品牌理念。佢哋希望可以透過唔同顏色嘅口罩令大家更積極、樂觀咁面對疫情，預示著風雨過後就會見到彩虹。

.

口罩嘅顏色充滿少女氣息~質感十足嘅霧藍色，優雅得體嘅淡紫色，罕見嘅檸檬黃色~帶出街令人心情都靚啲。

.

Oxyair Mask 喺Facebook上更有咨詢市民對口罩顏色嘅意見~十分貼心

.

Oxyair Mask表示， 四至五月生產嘅口罩原材料已經準備好，每個口罩以衛生為由會獨立包裝，首批產品將於4月中正式開售。而大家十分期待嘅彩虹色口罩預計會喺6月推出！有興趣嘅朋友記得留意Oxyair Mask嘅動向啦~

.

Photo Source：Facebook @ Oxyair Mask HK