疫情下冇工返 你有冇諗過自己最啱返咩Part-Time？

「新」活見聞

返Part-Time 可能係Fresh Grad們搵份好工嘅過渡，亦係學生嘅收入來源之一，疫情之下搵工相對比較困難，好多網民都呻申請咗好多份工但係一直都無回音去見工，為咗盡快有份工作，就急急腳咁咩兼職都申請，但其實你知唔知自己最啱做邊種Part-Time呢？

.

 

下列4個情況，邊一個會係你最嚮往？

  1. 認識朋友為主
  2. 文字工作為主
  3. 戶外活動為主
  4. 興趣/專業至上

 

  1. 認識朋友為主

近期由於網上教學，唔少學生都缺乏面授課堂時間，加上冇課外活動，好難識到新朋友，如果想認識多啲相近年紀嘅朋友，不妨考慮下做Sales，連鎖服裝店通常都係大學生嘅兼職目標，既可以有員工折扣，亦可以識一班年紀相若嘅同事！

 

  1. 文字工作為主

文科人通常都鐘意從事文字工作，好似小編、兼職打字員、兼職文員等等，可以舒舒服服咁坐喺Office度涼冷氣返工，但文字工作相對薪金較低，但相對其他工作較為清閒同舒服，如果唔想咁Chur又唔等住份工開飯，鐘意文字工作嘅你當然係適合Office工啦！

 

  1. 戶外活動為主

運動型嘅男女通常都唔鐘意局限喺Office裡面，相反會適合陽光與沙灘嘅戶外工作，相對而言其性格較為開放，鐘意同人接觸，戶外工作例如Promoter、戶外運動Assistant、技術員學徒等等，如果平日都享受自由氣息、不願拘束於室內，戶外工作嘅兼職就非常適合你啦！

 

  1. 興趣/專業至上

有唔少人都希望兼職會成為自己職業生涯嘅踏腳石，儲定一份靚CV，將來贏在起跑線上，例如讀電影嘅同學會刻意選擇跟Crew做assistant，讀Marketing嘅同學就會揀翻Marketing Assistant等等，亦會有人覺得將來做野就要認真搵錢，趁年輕就會選擇發展自己興趣，例如鐘意品酒嘅同學選擇一份酒吧侍應工作，趁機學下調酒咁~

 

每個人搵Part-Time都有唔同嘅目的，最緊要嘅就係搵一份自己喜愛、適合嘅兼職，希望大家都會搵到自己嘅發展方向！共勉之！

分享至：