真笑？笑裏藏刀？究竟對方諗緊咩

有時想知身邊嘅人同你一齊係真係開心定皮笑肉不笑🤨？如果你想知對方諗緊咩，試下令佢笑，睇下佢係以下邊種笑法，從而睇得出佢係咪真心笑緊！
A.「阿哈哈！」爽朗笑😄
B.「呵呵呵。。」含蓄笑😊
C.「哼哼」用鼻笑😏
D.「哇哈哈哈」大笑😆
E. 表情冇變化，完全冇笑😶

A. 😄呢種人幾乎對你無敵意，處於開心見誠嘅狀態。呢種笑法嘅人開朗同鍾意開玩笑🤪。不過係喺性格方面，都有唔善於控制情感嘅部份，有時會因為講嘢太直接而hurt到人。

B. 😊呢種人處於冷靜觀察緊你嘅狀態，係屬於擅長控制感情嘅人。可以喺注意自己表情嘅同時，觀察周圍嘅人嘅表情變化🧐。不過有時候因為太過冷靜，而俾人一種嘲笑人嘅印象。

C. 😏呢種笑法嘅人可能有睇你唔起嘅意思。呢種人內心自認係精英🤭，都因為咁有時會俾人一種傲慢嘅印象。

D. 😆大笑嘅人性格不拘小節，真係搞笑嘅時候先大笑，所以通常都係平易近人嘅🥰。不過如果對方睇落係唔自然嘅大笑‼，有可能係佢想隱藏自己嘅自卑感、不安，甚至想威嚇其他人。

E. 😶呢種人有可能敵視緊你或者視你為假想敵😲。唔太笑嘅人總係過住緊張嘅生活，唔單只好奇心旺盛，就連競爭心態都好強🔥，就算係對同伴都會產生競爭意識，想同對方比較。